काठमाडौं, असोज १५। स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा थप एक हजार ६६ जनामा कोरोना  भाईरस (कोभिड १९) को संक्रमण पुष्टि भएको छ । देशभरका प्रयोगशालाहरुबाट गत १० हजार एक सय १३ पीसीआर तथा तीन हजार दुुई सय ५५ एन्टिजेन परीक्षण हुँदा उक्त संख्यामा संक्रमण पुष्टि भएको हो ।

यसैगरी पछिल्लो २४ घण्टामा कोभिड १९ को संक्रमणबाट थप १२ जनाको मृत्यु भएको छ । यो समेत गरी नेपालमा कोभिड संक्रमणका कारण मृत्यु हुनेहरुको संख्या ११ हजार एक सय ४८ पुगेको छ । मन्त्रालयका अनुसार पछिल्लो २४ घण्टामा थप नौ सय ३८ जना संक्रमणमुक्त भएका छन् ।

यो समेत गरी नेपालमा सक्रिय संक्रमितको संख्या १८ हजार एक सय १५ पुगेको स्वास्थ्य तथा जनसंख्या मन्त्रालयले जानकारी दिएको छ ।