काठमाडौं, असोज २० । स्टार स्पिनर सन्दिप लामिछाने आइसीसी प्लेयर अफ दि मन्थ सेप्टेम्बरको मनोनयनमा पर्नभएको छ । अन्तराष्ट्रिय क्रिकेट परिषद आइसीसीले आज सार्वजनिक गरेको मनोनयनमा सन्दिप सहित बंगलादेशका स्पिनर नासुम अहमद तथा अमेरिकाका पावर हिटर जसकरण मलहोत्रा पर्नुभएको हो ।

सेप्टेम्बर महिनामा नेपालले ओमानमा भएको विश्वकप क्रिकेट लिग टु र त्यस अघि भएको पपुवा न्युगिनी विरुद्धको दुइ ओडिआई खेल्दा उत्कृष्ट प्रदर्शन गरेपछि उहाँ मनोनयनमा पर्नुभएको हो । ओमानको भ्रमणमा कुल ६ ओडिआइ खेल्दा उहाँले १८ विकेट लिनुभएको थियो । ओमान विरुद्धको दुई खेलमा उहाँले १० विकेट लिनुभएको थियो । पहिलो खेलमा पपुवा न्युगिनीलाई सस्तैमा समेट्न उहाँले १० ओभरमा मात्र ३५ रन खर्चिएर चार विकेट लिनुभएको थियो भने दोस्रो खेलमा  ६ विकेट लिँदा मात्र ११ रन दिएर नेपालको जितमा महत्वपुर्ण भुमिकामा देखिनुभएको थियो । 

हाल उहाँ एभरेष्ट प्रिमियर लिगमा काठमाडौं किंग्स इलाभेनका कप्तानी गरिरहनुभएको छ । जसमा काठमाडौंले प्ले अफमा स्थान बनाएको छ ।