काठमाडौं,वैशाख १७ । युरोपा लिग अ्रन्तगर्त सेमी फाइनलको पहिलो लेगमा म्यान्चेष्टर युनाइटेडले रोमाविरुद्ध  ६-२ गोलको शानदार जित हात पारेको छ । पहिलो हाफमा दुइ एक गोलले पछि परे्को अवस्थामा युनाइटेडले उत्कृष्ट पुनरागमन गरि जित आफ्नो पक्षमा बनाएको हो ।

ओल्ड ट्राफोर्डमा घरेलु टोली युनाइटेडलाई जित दिलाउन इडिन्सन कभानी र बु्रनो फर्नान्डेसले दुइ-दुइ गोल गर्नु भयो । पहिलो ९ मिनेटमा फर्नान्डेसले गोल गरि युनाइटेडको खाता खोल्नु भको थियो । खेलको १५ औँ मिनेटमा इटालियन क्लब रोमाले बराबरी गोल फर्कायो । पउल पोग्बाको डि बक्स भित्र ह्याण्ड बल भएपछि रोमाले पेनाल्टीको मौका पाएको हो । जसलाई लोरेन्जो पेलेग्रिनीले सदुपयोग भको हो । ३३ औँ मिनेटमा इडेन जेकोले गोल गरि रोमालाई पहिलो हाफमा दुइ एकले अघि राख्नु भयो ।

दोस्रो हाफमा उत्कृष्ट लयमा देखिएको युनाइटेडले पाँच गोल फर्काएको थियो । ४८ औँ मिनेटमा कभानीले गोल गर्नु भयो । ६४ औ मिनेटमा कभानीले व्यक्तिगत दोस्रो गोल गरेपछि युनाइटेडले अग्रतालाई तीन-दुइ बनाएको थियो । ७१ औँ मिनेटमा पाएको पेनाल्टीमा व्यक्तिगत फर्नान्डेसले दोस्रो गोल गर्नु भयो। त्यसको चार मिनेट पछि पोग्बाले युनाइटेडका लागि पाँचौ गोल थप्नु भयो । ८६ ओँ मिनेटमा म्यासन ग्रिनउडले गोल गरेपछि युनाइटेडले पहिलो लेगमा ६–२ को प्रभावशाली जित हात पार्दै अर्को महिना हुने युरोपा लिगको फाइनल खेलमा प्रवेश गर्ने सम्भावना बलियो बनाएको छ ।