काठमाडौँ, कार्तिक ३।  च्याम्पियन्स लिग अन्तर्गत पिएसजीले जर्मनी क्लब आरबि लेइपजिंगविरुद्ध जित निकालेको छ ।

घरेलु मैदानमा भएको खेलमा समूह ए को पिएसजीले आरबी लेइप्जिगलाई ३–२ ले पराजित गरेको हो ।

पिएसजीको जितमा लियोनेल मेसीले २ गोल र किलियन एम्बाप्पेले एक गोल गर्नु भयो ।

नवौँ मिनेटमा केलियन एमबाप्पेको गोलमा पिएसजीले सुरुवाति अग्रता लियो । तर आरबीका लागि २८ औँ मिनेटमा आन्द्रे सिल्भा र ५७ औँ मिनेटमा नार्डी मुकिएलले गोल गर्नुभयो ।

पछि परेको पिएसजीका लागि मेसीले ६७ र ७४ औँ मिनेटमा गोल गर्नु हुदै जित दिलाउनु भयो ।

उहाँले व्यक्तिगत दोस्रो गोल पेनाल्टी मार्फत गर्नुभयो । इन्जुरी समयको चौथो अर्थात ९४ औँ मिनेटमा पाएको पेनाल्टीमा एमबाप्पेले गोल गर्न सक्नु भएन।

जितपछि पिएसजी तीन खेलबाट सात अंकसहित समूहको शीर्ष स्थानमा छ । ६ अंकसहित म्यानचेस्टर सिटी दोस्रो स्थानमा रहेको छ ।