काठमाडौं, कात्तिक ५। नेपाल बैंकका सञ्चालकले पद तथा गोपनीयताको सपथ ग्रहण गरेकाछन् । बैंकका अनुसार सञ्चालक समिति सदस्य पदमा नेपाल सरकार, अर्थ मन्त्रालयको तर्फबाट अर्थ मन्त्रालयका सहसचिव रितेश कुमार शाक्य नियुक्त भई आउनु भएको छ । नवनियुक्त सञ्चालकले यही कात्तिक चार गतेका दिन सञ्चालक समितिका अध्यक्ष सुमनराज अर्यालबाट सञ्चालक पदको पद तथा गोपनियताको शपथ ग्रहण गर्नुभयो ।
शपथ ग्रहण कार्यक्रम पश्चात् बैंक सञ्चालक समिति अध्यक्ष अर्यालले नवनियुक्त सञ्चालकलाई सञ्चालक समितिमा स्वागतगर्दै सञ्चालक समितिमा रहेर बैंकको नीति निर्माण र व्यावसायिक विकासमा सञ्चालक सदस्य र शाक्यको महत्वपूर्ण योगदान रहने विश्वास व्यक्त गर्नुभयो ।
ततपश्चात् नवनियुक्त सञ्चालक सदस्य र शाक्यले नेपाल बैंक लिमिटेडको सञ्चालकको जिम्मेवारीका लागि नेपाल सरकारलाई धन्यवाद ज्ञापन गर्नुहुँदै आफूले बैंकको हितमा सक्दो योगदान गर्ने प्रतिवद्धता व्यक्त गर्नुभयो । शपथ ग्रहण कार्यक्रममा यस बैंक सञ्चालक समितिका सदस्यहरु, प्रमुख कार्यकारी अधिकृत, नायब प्रमुख कार्यकारी अधिकृतर कम्पनी सचिव समेतको उपस्थिति रहेको थियो ।
