लन्डन, कार्तिक ६ । इंग्लिस प्रिमियर लिग फुटबल अन्तर्गत शुक्रबार राति भएको खेलमा आर्सनल विजयी भएको छ । घरेलु मैदानमा भएको खेलमा आर्सनलले एस्टन भिल्लालाई ३–१ ले पराजित गरेको हो ।
आर्सनलको जितमा थोमस पार्टी, पियर एमरिक र स्मिथ रोवले गोल गर्नुभयो ।   २३ औँ मिनेटमा थोमस पार्टी, पहिलो हाफको इन्जुरी समयको छैटौँ मिनेटमा पियर एमरिक तथा ५६ औँ मिनेटमा स्मिथ रोवले गोल गर्नुभएको हो ।

यस्तै एस्टन भिल्लाका लागि ८२ औँ मिनेटमा ज्याकोब राम्सीले सान्तोवना एक गोल गर्नुभयो । जितपछि ९ खेलबाट १४ अंकसहित आर्सनल नवौँ स्थानमा छ । १० अंकसहित एस्टन भिल्ला १३ औँ स्थानमा छ ।