लन्डन, कार्तिक ७ । चेल्सीले इंग्लिस प्रिमियर लिग फुटबल अन्तर्गत शनिबार राति भएको खेलमा उत्कृष्ट पदर्शन गर्दै जित हात पारेको छ । घरेलु मैदानमा भएको खेलमा चेल्सीले नर्विच सिटीलाई ७–० ले पराजित गरेको हो ।

चेल्सीका लागि मासन माउन्टले ह्याट्रिक गर्नुभयो । उहाँले ८, ८५ र इन्जुरी समयको पहिलो अर्थात ९१ औँ मिनेटमा गोल गर्नु भयो । माउन्टले दोस्रो गोल भने पेनाल्टी मार्फत गर्नु भएको हो ।

चेल्सीका लागि १८ औँ मिनेटमा हड्सन–ओडोइ, ४२ औँ मिनेटमा रीस जेम्स र बेन चिल्वेलले गोल गर्नु भएको हो । ६२ औँ मिनेटमा नर्विचका आरोन्सले आत्मघाती गोल गर्नुभयो ।

६५ औँ मिनेटमा विब्सन दोहोरो पहेँलो कार्ड पाएर मैदानबाट बाहिरिनु भएपछि नर्विच १० खेलाडीमा सीमित भएको थियो । जितपछि शीर्ष स्थानको चेल्सीको ९ खेलबाट २२ अंक भएको छ ।

शनिबार राति भएका अरु खेलमा वाट्फोर्डले एभर्टनलाई ५–२ ले पराजित गर्दा क्रिष्टल प्यालेस र न्यूक्यासल तथा लीड्स र वुल्भ्सले १–१ तथा साउथह्याम्पटन र बर्नलीले २–२ को बराबरी खेलेका छन् ।