म्याड्रिड, कार्तिक ८ । स्पेनिस ला लिगा फुटबल अन्तर्गत आइतबार राति भएको एल क्लासिकोमा रियल मड्रिड विजयी भएको छ ।

रियल मड्रिडले बार्सिलोनालाई उसकै मैदानमा २–१ ले पराजित गरेको हो ।

रियल मड्रिडको जितमा डेविड अलाबा र इन्जुरी समयको तेस्रो अर्थात ९३ औँ मिनेटमा लुकास भाज्क्वेजले गोल गर्नु भो ।
 बार्सिलोनाका लागि इन्जुरी समयको सातौँ अर्थात ९७ औँ मिनेटमा सर्जियो अग्युरोले गोल गर्नु भयो । बार्सिलोनाका लागि उहाँको यो पहिलो गोल हो ।

जितपछि ९ खेलबाट २० अंकसहित रियल मड्रिड दोस्रो स्थानमा छ । नवौँ स्थानमा पुगेको बार्सिलोनाको ९ खेलबाट १५ अंक भएको छ ।