म्याड्रिड, कार्तिक ८ ।  स्पेनिस ला लिगा फुटबलमा साबिक विजेता एथ्लेटिको मड्रिडलाई रियल सोसिडाडलाई बराबरीमा रोकेको छ । आइतबार राति भएको खेलमा रियल सोसिडाडले एथ्लेटिको मड्रिडलाई उसकै मैदानमा २–२ को बराबरीमा रोकेको हो ।

सोसिडाडका लागि सातौँ मिनेटमा सोर्लोथ र ४८ औँ मिनेटमा इसाकले गोल गर्नु भएको हो । एथ्लेटिकको हकमा लुइस स्वारेजले दुई गोल गर्नु भयो । स्वारेजले  ६१ र ७७ औँ मिनेटमा गोल गर्नु भएको हो । दोस्रो गोल स्वारेजले पेनाल्टी मार्फत गर्नु भए पनि थप गोल हुन नसक्दा खेल बराबरीमा सकियो।

रियल सोसिडाड १० खेलबाट २१ अंकसहित शीर्ष स्थानमा छ । दोस्रो स्थानको रियल मड्रिडको ९ खेलबाट २० अंक छ ।

आइतबार राति नै भएको खेलमा लेभान्टेलाई ५–३ ले पराजित गरेको सेभिल्ला ९ खेलबाट २० अंकसहित तेस्रो स्थानमा छ ।

यसैगरी रायो भालेकानोलाई ३–२ ले पराजित गरेको रियल बेटिस १० खेलबाट १८ अंकसहित पाँचौँ स्थानमा छ । ९ खेलबाट १८ अंक रहेको एथ्लेटिको मड्रिड चौथो स्थानमा छ ।