अफगानिस्तान, कार्तिक ९ । अफगानिस्तानमा खाद्यान्नको चरम अभाव सुरु भएको छ । संयुक्त राष्ट्रसंघले अफगानिस्तानका जनताले खाद्यान्नको संकट सामना गरिरहेको बताएको छ । संयुक्त राष्ट्र संघ विश्व खाद्य कार्यक्रमले अफगानिस्तानमा देखिएको आद्यान्न अभाव तत्काल समाधान नभए केही महिनाभित्रै त्यहाँको अवस्था भयावह हुने चेतावनी दिएको छ ।
अफगानिस्तानमा आधाभन्दा बढी २२ दशमल ८ मिलियन जनसंख्याले खाद्यान्नको अभाव झेलिरहेका छन् । राष्ट्रसंघले पोषणको अभावमा अफगानिस्तानका पाँच वर्षमुनिका झण्डै ३ दशमल २ मिलियन बालबालिका कुपोषणको शिकार हुनसक्ने प्रक्षेपण गरेको बीबीसीले जनाएको छ ।
विश्वखाद्य कार्यक्रमकी निर्देशक डेभिड बिस्लीले अफगानिस्तानका जनताहरुले अहिले भानवीय संकट भोगिरहेको बताउनु भएको छ। तालिबानले शासन सत्ता हातमा लिए पछि भने अफगानिस्तानको स्थिति दयनीय बन्दै गएको छ ।
