म्याड्रिड, कार्तिक ११ । स्पेनिस ला लिगा फुटबल अन्तर्गत बुधबार राति भएको खेलमा रियल मड्रिड गोलरहित बराबरीमा रोकिएको छ ।

घरेलु मैदानमा भएको खेलमा रियल मड्रिड ओसासुनासँग गोलरहित बराबरीमा रोकिएको हो ।

बराबरी खेलको रियल मड्रिडले अंक दूरी कायम गर्न नसके पनि गोल अन्तरका आधारमा शीर्ष स्थानमा बसेको छ ।

१० खेलबाट २१ अंकसहित रियल मड्रिड शीर्षस्थानमा छ । समान खेलबाट समान २१ अंक रहेको सेभिल्ला दोस्रो स्थानमा छ । बुधबार राति भएको खेलमा सेभिल्ला मालोर्कासँग १–१ को बराबरीमा रोकिएको छ ।

अर्को खेलमा रियल बेटिसले भ्यालेन्सियालाई ४–१ ले पराजित गरेको छ।