म्याड्रिड, कार्तिक १५ ।  स्पेनिस ला लिगा अन्र्तगत शनिबार राति भएको खेलमा रियल मड्रिडले एल्चीलाई २–१ ले पराजित गरेको हो । जितसँगै रियल मड्रिड स्पेनिस ला लिगा फुटबलको शीर्षस्थानमा कायम रहेको छ ।

अवे मैदानमा भएको खेलमा रियल मड्रिडका लागि भिनिसिअस जुनियरले २२ र ७३ औँ मिनेटमा गोल गर्नु भयो । एल्चीका लागि मिलाले ८६ औँ मिनेटमा गोल गर्नु भयो ।

६३ औँ मिनेटमा गुतिएरेज पारेजो दोहोरो पहेँलो कार्ड पाएर मैदानबाट बाहिरिएपछि एल्ची १० खेलाडीमा सीमित भएको थियो । जितपछि शीर्ष स्थानको रियल मड्रिडको ११ खेलबाट २४ अंक भएको छ ।

शनिबार राति नै भएको खेलमा ओसासुनालाई २–० ले पराजित गरेको सेभिल्लाको पनि समान २४ अंक छ । तर गोल अन्तरका आधारमा सेभिल्ला दोस्रो स्थानमा छ ।

शनिबार राति नै भएको अर्को खेलमा भ्यालेन्सियाले भिल्लारियललाई २–० ले पराजित गरेको छ ।एजेन्सी