पेरिस, कार्तिक १७ ।  च्याम्पियन्स लिगमा मंगलबार राति भएको खेलमा क्रिस्टियानो रोनाल्डोले  म्यानचेस्टर युनाइटेडलाई एटलान्टासँग हारबाट जोगाउनु भएको छ । एटलान्टाको अग्रतालाई बराबरीमा रोक्ने क्रममा युनाइटेडले २–२ को बराबरी खेल्यो । यो सँगै युनाइटेड समूह एफको शीर्ष स्थानमा रहन सफल भएको हो ।

खेलमा जोसिप इलिसिचले गोल गर्दै एटलान्टालाई अग्रता दिलाउनु भएको थियो । तर, पहिलो हाफको इन्जुरी समयमा ब्रुनो फर्नान्डेजको पासमा गोल गर्दै रोनाल्डोले खेल बराबरी गर्नु भयो । दोस्रो हाफको सुरुवातमा नै डुभान जापाटाले पुनः अग्रता दिलाउनु भयो। हारतर्फ अघि बढिरहेको युनाइटेडका लागि इन्जुरी समयमा रोनाल्डोले दोस्रो गोल गर्नुभयो ।

यो सँगै सन् २००३ मा रुड भान निस्टरलोयपछि युनाइटेडका लागि च्याम्पिन्यस लिगमा लगातार चार खेलमा गोल गर्ने रोनाल्डो पहिलो खेलाडी बन्नु भएको छ ।। पछिल्ला चार खेलमा रोननाल्डोले पाँच गोल गर्नु भएको छ । जसमध्ये दुईवटा विजयी गोल र एउटा बराबरी गोल रहेका छन् । युनाइटेडका लागि भने रोनाल्डाको यो  १२७ औँ गोल हो।एजेन्सी