ललितपुर, कार्तिक १७। काठ मिडिया प्रा.लि. र महालक्ष्मीनगरपालिका वडा नं. ४ को संयुक्त सहकार्यमा हुनलागेको ‘झिलीमिली तिहार– संगीत र सरसफाइ सँगसँगै’ कार्यक्रमको सम्पूर्ण तयारी पूरा भएको छ । भोलि २०७८ कार्तिक १८ गते हुने कार्यक्रममा विभिन्न दिग्गज सांगीतिक व्यक्तिहरूले प्रस्तुती दिनुहुनेछ ।
दिग्गज र पुराना संगीतकर्मी देव राना, ज्योती घिमिरे र कृपेश लोहनीको सांगीतिक ब्यान्ड 'द जेन्टलमेन', त्यसैगरी 'पञ्चामृत ब्याण्ड'– गितार र तुङ्गनामा हरी गुरुङ्ग, सारङ्गीमा मनिष गन्धर्भ, तबला/धिमेमा प्रवेश महर्जन लगायतको प्रस्तुति रहनेछ ।
उक्त कार्यक्रमको अर्को आकर्षण ‘टर्की टेष्ट मेला’ ‘५ तारे होटलको स्वाद बाटो बाटोमा’ को लागि टर्कीका विभिन्न परिकारहरूको स्टल रहने र सो कार्यको लागि फूड टेष्टिङ कार्य पनि सम्पन्न भएको छ । सो टर्की टेष्ट मेलाको अफिसियल पार्टनर जावलाखेलस्थित काइरोस क्याफेमा भएको उक्त फुड टेष्टिङ प्रोगाममा माथिका सबै संगितकर्मीहरुको उपस्थिति रहेको थियो । उक्त काइरोस क्याफेका संचालक मुक्ति तामाङका अनुसार उक्त टर्की टेष्ट मेलामा सहभागी हुन पाउँदा आफू अत्यन्त हर्षित भएको र ग्राहकको सेवा सुविधामा कुनै पनि कमि कमजोरी नहुने प्रतिवद्धता दिनुभयो ।
साथै विगत ३० वर्षदेखि राष्ट्रिय/अन्तराष्ट्रिय खानाको प्रबर्धनमा अनवरत लागिरहनु भएका सेफ राजकुमार सापकोटा र विगत २० वर्षदेखि सोही कार्यमा खटिइरहनु भएका सेफ अनिलकुमार बस्नेतको संयुक्त नेतृत्वमा बन्ने टर्कीका परिकारहरूको स्वादले जनजिब्रोमा र खानाका पारखीहरूको मन जित्न आफूहरू सफल हुनेमा विश्वस्त रहेको पनि उहाँहरूले बताउनुभयो ।
