काठमाडौं, कात्तिक २६। के तपाईलाई थाहा छ, केहि स्वस्थ चिजहरुको मिश्रण हाम्रो स्वास्थ्यको लागी धेरै खतरनाक हुन्छ। त्यस्ता चिजको खानपानले मानिस बिरामी पर्न सक्छ अथवा स्वास्थ्यमा प्रभाव पार्न सक्छ :-
दूध र माछा – दूध र माछा पूर्णतया फरक चीज हुन्, त्यसैले तिनीहरूलाई एकै ठाउँमा मिसाएर खानु हुँदैन। दूध चिसो हुन्छ, माछाको स्वाद तातो हुन्छ। यी दुई चीजको संयोजनले हाम्रो रगत र शरीरको कार्य बिगार्न सक्छ। मानिसले दूध र नुनको मिश्रणबाट पनि जोगिनु पर्ने विज्ञहरुको दाबी छ ।
दूध र केरा – दूध र केरा मानिसहरु माझ धेरै सामान्य छ। तर के तपाईलाई थाहा छ ? केरामा दूध मिसाउँदा हाम्रो स्वास्थ्यमा के हानी हुन्छ ! केरालाई दुध, दही वा मोहीसँग कहिल्यै खान नहुने विज्ञहरू बताउँछन् । दूध र केराको मिश्रणले चिसो, खोकी वा एलर्जी हुन सक्छ।
घिउ र मह – घिउ र मह बराबर मात्रामा कहिल्यै पनि खानु हुँदैन। यसले शरीरमा उल्टो क्षति पुर्याउन सक्छ। मह तातो र सुख्खा प्रकृतिको हुन्छ, जबकि घिउ चिसो र चिल्लो गुणको लागि चिनिन्छ। घ्यू र मह मिसाएर खाँदै हुनुहुन्छ भने कुनै एकको मात्रा बढी हुनुपर्छ ।
दहि र पनीर – जाडोमा पनीर, चीज वा दही खानु निकै फाइदाजनक मानिन्छ । तर रातिमा यस्ता खानेकुरा खानु हुँदैन । दहीले रगत, पित्त, कफ सम्बन्धी समस्याहरू निम्त्याउन सक्छ। पनीरले पनि कब्जियतको समस्या निम्त्याउन सक्छ, जसको पाचन प्रणाली खराब छ, उनीहरुलाई पनीर कम खानु उपयुक्त हुन्छ। त्यसैगरी महलाई कहिल्यै तताएर खानु हुँदैन। यसले हाम्रो पाचन प्रणालीलाई सहयोग गर्ने इन्जाइमहरू मार्छ।
