काठमाडौं, कार्तिक २८ । आइतबार सुनको मूल्य बढेको छ । आइतबार सुनको भाउ तोलामा दुई सय रुपैयाँले बढेर ९४ हजार ६ सय रुपैयाँमा पुगेको नेपाल सुन चाँदी व्यवसायी महासङ्घले जनाएको छ । अस्ति शुक्रवार पनि सुन तोलामा चार सय रुपैयाँले बढेको थियो । यस्तै, चाँदीको भाउ आज पनि बढेको छ ।  

चाँदी आज तोलामा १२ सय ९५ रुपैयाँमा पुगेको छ । यो भाउ अस्ति शुक्रवारको भन्दा २५ रुपैयाँले महँगो हो। यो सँगै आइतबार सुन चाँदी दुवैको मुल्य बढेको छ । यस्तै पछिल्लो समय महासङ्घले सुनको आयातित कोटा बढाउनु पर्ने माग गर्दै आएको छ ।