बेलायत, वैशाख २१ । इंग्लीस प्रिमियर लिगमा वेष्टले बन्र्लीलाई हराउँदै पाँचौ स्थानमा उक्लेको छ । यो नतिजा  पछि च्याम्पियन्स लिग छनौट होड रोमाञ्चक बनेको छ ।

बन्र्लीमा सबै गोल पहिलो हाफमा भएका हुन् । खेलको १९ औँ मिनेटमा घरेलु टोली बन्र्लीले अग्रता बनाएको थियो । क्रिस उडले पेनाल्टीमा गोल गर्दै बन्र्लीलाई अग्रता दिलाउनु भएको हो । त्यस दुइ मिनेट पछि मिकेल एन्टोनीयोले गोल गरि खेललाई बराबरीमा ल्याउनु भयो ।  २९ औँ मिनेटमा एन्टोनीयोले व्यक्तिगत दोस्रो गोल गरेपछि वेष्ट ह्यामले दुइ एक गोलको अग्रता बनाएको थियो ।

वेष्ट ह्यामले यस पछि पनि गोल गर्ने धेरै अवसर खेर फालेको थियो। बन्र्लीका जे रोद्रिगोएजले गर्नुभएको प्रहार बाहिरियो । बाँकी समय गोल हुन सकेन र वेष्ट दुइ एक गोलले बिजयी भयो । वेष्ट ह्याम ३४ खेलबाट ५८ औँ अंक जोड्दै पाँचौ स्थानमा छ । चौथो स्थाानको चेल्सी मात्र तीन अंकले अघि छ । रेलिगेशन जोनभन्दा ९ अंकले माथि रहेको बन्र्ली १६ औँ स्थानमा यथावत् छ । यता रेलिगेशन जोनमै रहेको वेष्ट बु्रम भने उल्भ्ससँग एक एक गोलको बराबरीमा रोकिएको छ ।