काठमाडौँ, कार्तिक ३०। २०२२ को कतार विश्वकपमा स्वीट्जरल्याण्ड छनौट भएको छ । गएराती सम्पन्न खेलमा स्वीट्जरल्याण्डले बुल्गेरियालाई ४–० गोल अन्तरले पराजित गर्दै विश्वकपमा आफ्नो स्थान सुरक्षित गरेको हो ।

स्वीटजरल्याण्डको जितमा नोआह ओकाफोर, रुबेन भार्गास, केड्रीक इटेन र रेमो फ्रेउलेरले एक–एक गोल गर्नु भयो ।

योसँगै युरोपियन विश्वकप समुह सी मा स्वीट्जरल्याण्ड ८ खेलमा १८ अंक हासिल गरेर प्रथम हुदै विश्वकपमा आफ्नो स्थान सुरक्षित गरेको छ ।

यसै समुहमा इटाली भने उत्तरी आयरल्याण्डसँग गोलरहित बराबरीमा रोकिएपछि सिधै विश्वकपमा छनौट हुन असफल भएको छ । अब इटाली कतार विश्वकपमा छनौट हुन प्लेअफमा खेल्नुपर्ने भएको छ ।

इटालीको समुह सी मा ८ खेलमा १६ अंकसहित दोस्रो स्थानमा रहेको छ । एजेन्सी