काठमाडौँ, कार्तिक ३०।  २०२२ को कतार विश्वकप छनौट खेलमा इङल्याण्ड विजयी भएको छ । युरोपको विश्वकप छनौट अन्तर्गत इङल्याण्ड समुह आइ मा पहिलो हुदै विश्वकपमा छनौट भएको हो ।

गएराती सम्पन्न खेलमा इङल्याण्डले सान मारिनोलाई १०–० गोल अन्तरले पराजित गरेको छ । इङल्याण्डको जितमा ह्यारी केनले चार गोल गर्नु भयो भने ह्यारी मग्युरे, एमिल स्मिथ रोव, टिरोन मिन्ग्स, टामी अब्राहम, बुकायो साकाले क्रमशः एक÷ एक गोल गर्नु भयो । त्यस्तै एक गोल सान मारिनोका फिलिपो फाब्ब्रीले आत्मघाती गोल गर्नु भयो ।  

समुह आइ मा इङल्याण्डको १० खेलमा अपराजित हुदै २६ अंकसहित शिर्ष स्थानमा रहेको छ । त्यस्तै यस समुह आइ मा पोल्याण्ड २० अंकसहित दोस्रो स्थानमा रहेको छ भने पोल्याण्ड अब प्लेअफ खेल्ने भएको छ ।

यो सँगै आयोजक कतारसहित जर्मनी, डेनमार्क, ब्राजिल, फ्रान्स, बेल्जियम, क्रोसिया, स्पेन, सर्बिया र स्वीट्जरल्याण्ड पनि विश्वकपमा छनौट भएका छन् ।एजेन्सी