काठमाडौँ, मंसिर १ । सन् २०२२ को विश्वकप फुटबलका लागि  नेदरल्याण्डस छनौट भएको छ । गएराती सम्पन्न खेलमा नेदरल्याण्डसले नर्वेलाई २–० गोल अन्तरले पराजित गरेर विश्वकपमा आफ्नो स्थान सुरक्षित गरेको हो ।

नेदरल्यान्ड्सको जितमा स्टेभेन बेर्गविज्न र मेम्फिस डिपेले एक एक गोल गर्नु भयो ।

यो जितपछि युरोपियन विश्वकप छनौट अन्तर्गत समुह जी मा नेदरल्याण्डस १० खेलमा २३ अंकसहित शिर्ष स्थानमा रहदै विश्वकपमा छनौट भएको छ भने नर्वे यस समुहमा तेस्रो हुदै विश्वकपमा छनौट हुन असफल भएको छ ।

त्यस्तै समुह जी बाट टर्की दोसो हुदै प्ले अफमा खेल्ने अवसर पाएको छ ।

योसँगै आयोजक कतारसहित जर्मनी, डेनमार्क, ब्राजिल, फ्रान्स, बेल्जियम, क्रोसिया, स्पेन, सर्बिया, स्वीट्जरल्याण्ड र नेदरल्याण्डस विश्वकपमा छनौट भएका छन् ।