मिलान, मंसिर ५ । इटालियन सिरी ए फुटबल अन्तर्गत शनिबार राति भएका खेलमा युभेन्टस विजयी भएको छ। अवे मैदानमा भएको खेलमा युभेन्टसले लाजिओलाई २–० ले पराजित गरेको हो । जितपछि युभेन्टस १३ खेलबाट २१ अंकसहित सातौँ स्थानमा पुगेको छ ।

शीर्षस्थानको होडमा रहेको एसी मिलानलाई ४–३ ले पराजित गरेको फियोरेन्टिना छैटौँ स्थानमा छ । उसको १३ खेलबाट २१ अंक भएको छ ।

चौथो स्थानमा रहेको एट्लान्टाले स्पेजियालाई ५–२ ले पराजित गरेको छ । एट्लान्टाको १३ खेलबाट २५ अंक भएको छ ।एजेन्सी