लन्डन, मंसिर ६ । म्यानचेस्टर युनाइटेडले प्रशिक्षनक ओल गुनार सोल्केयरलाई बर्खास्त गरेको छ । शनिबार राति भएको खेलमा वाट्फोर्डसँग ४–१ ले पराजित भएपछि म्यानचेस्टर युनाइटेडले प्रशिक्षकबाट ओललाई बर्खास्त गरेको हो ।

युनाइटेडले नयाँ प्रशिक्षक खोजिरहेको छ सोहि क्रममा अल्पकालीन रुपमा माइकल कारिकलाई जिम्मेवारी दिइएको छ । प्रिमियर लिगका पछिल्ला सात मध्ये एक खेलमा मात्रै युनाइटेडले जित हाँसिल गरेको छ । सातौँ स्थानमा रहेको युनाइटेड लिग लिडर चेल्सी भन्दा १२ अंकले पछि रहेको छ ।

ओल सन् १९९६ देखि २००७ सम्म युनाइटेडका लागि खेल्नु भएको थियो  । त्यसक्रममा उहाँले ११ सिजनमा १२६ गोल गर्नु भएको थियो ।

प्रशिक्षकका रुपमा उहाँले १६८ खेलमा युनाइटेडको नेतृत्व गर्नु भयो भने त्यसमध्ये ९१ खेलमा जित हाँसिल भएको छ ।एजेन्सी