काठमाडौं, मंसिर ७ । सुनचाँदी बजारमा आज छापावाल सुनको मूल्य प्रतितोला  ९२ हजार तीन सय रुपैयाँ तोकिएको छ । अधिल्लो दिन प्रतितोला  ९३ हजार नौ सय रुपैयाँमा कारोबार भएको सुन मंगलबार प्रतितोला  एक हजार छ सयले  घटेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणअनुसार तेजाबी सुनको आजको मूल्य प्रतितोला  ९१ हजार आठ सय रुपैयाँ कायम भएकामा सोमबार प्रतितोला ९३ हजार चार सय रुपैयाँ  पुगेको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला  १५ रुपैयाँले घटेर  एक हजार दुई सय ५५ रुपैयाँ तोकिएको महासङ्घले जनाएको छ । अन्तरराष्ट्रिय बजारमा आज सुन प्रतिऔँस एक हजार आठ सय आठ डलर आसपासमा कारोबार भइरहेको छ ।