पेरिस, मंसिर ८ ।  म्यानचेस्टर युनाइटेड यूईएफए च्याम्पियन्स लिगको अन्तिम १६ मा प्रवेश गरेको छ ।

मंगलबार राति भएको खेलमा युनाइटेडले भिल्लारियललाई २–० गोलले हरायो ।

युनाइटेडका लागि पहिलो गोल क्रिस्टियानो रोनाल्डोले खेलको ७८ औँ मिनेटमा गर्नुभयो। योसँगै रोनाल्डोले व्यावसायिक खेलमा ८ सय गोलको कीर्तिमान समेत बनाउनु भएको छ । 

९० औँ मिनेटमा जाडोन सान्चोले थप एक गोल गर्नु भयो । समूह ‘एफ’ को शीर्षस्थानमा रहेको युनाइटेडले पाँच खेलबाट १० अंक जोडेको छ ।

दोस्रो स्थानमा रहेको भिल्लारियलको समान खेलमा ७ अंक छ । समूह ‘एफ’को अर्को खेलमा योङग ब्वाइज र एटलान्टाले ३–३ गोलको बराबरी खेल्दै अंक बाँडेका छन् ।  एटलान्टाको ६ र योङग ब्याइजको ४ अंक छ । एजेन्सी