पेरिस, मंसिर ८ । च्याम्पियन्स लिग फुटबल अन्तर्गत मंगलबार राति भएको खेलमा बार्सिलोनाले जित निकाल्न सकेन। समूह ‘ई’ अन्तर्गत भएको खेलमा बार्सिलोना घरेलु मैदानमै बेन्फिकासँग गोलरहित बराबरी रोकिएको हो । खेलमा बार्सिलोनाले गोलका लागि केहि अवसर निर्माण गरे पनि गोल गर्न सकेन । बराबरीमा रोकिए पनि बार्सिलोनाको नकआउट चरणमा पुग्ने सम्भावना जीवित छ ।

समूह ई अन्तर्गत नै भएको खेलमा बार्यन म्युनिखले डिनामो किएभलाई २–१ ले पराजित गरेको छ । बार्यनका लागि रोबर्ट लेवान्डोस्कीले १४ औँ तथा कोम्यानले ४२ औँ मिनेटमा गोल गरेका हुन् । डिनामो किएभका लागि ७० औँ मिनेटमा हर्माशले गोल गरेका हुन् ।

जित निकालेको बार्यन १५ अंकसहित शीर्ष स्थानमा छ। बार्सिलोना सात अंकसहित दोस्रो स्थानमा छ। पाँच अंकसहित बेन्फिका तेस्रो स्थानमा छ । पुछारमा रहेको डिनामो किएभको मात्रै एक अंक भएको छ। एजेन्सी