पेरिस, मंसिर ९ ।  च्याम्पियन्स लिग समूह चरणको खेलमा चेल्सीले युभेन्ट्सलाई ४–० गोलले पराजित गर्दै सहज जित हात पारेको छ ।

चेल्सीको जितमा ट्रिभोअ चालोवाह, रिस जेम्स, कलुम हड्सन ओडोइ र टिमो वेर्नरले गोल गर्नु भयो। गएराति भएको खेलमा घरेलु टोली चेल्सीले खेलको २५ औँ मिनेटमा चालोवाहको गोलबाट अग्रता बनाएको थियो । ५५ औँ मिनेटमा रिस जेम्सले थप गोल गर्नु हुदै अग्रता दोब्बर बनाउनु भयो ।

खेलको ५८ औँ मिनेटमा ओडोइले गोल गर्नु भयो । त्यस्तै खेलको इन्जुरी समयमा वेर्नरले गोल गर्नु भए सँगै चेल्सीले युभेन्टसमाथि सहज जित हात पारेको हो ।

चेल्सी समूह ‘एच’ मा शीर्षस्थानमा उक्लिएको छ । समान पाँच खेलमा दुवै टोलीको समान १२ अङ्क भए पनि गोल अन्तरका आधारमा युभेन्ट्स दोस्रो स्थानमा छ । दुवै टोली यो समूहबाट नकआउट चरणमा पुगेका छन् । यही समूहको अर्को खेलमा माल्मो र जेनिथले १–१ गोलको बराबरी खेल्दै अङ्क बाँडेका छन् । जेनिथको ४ र माल्मोको एक अङ्क छ । एजेन्सी