काठमाडौं, मंसिर ९ । नेपाली राष्ट्रिय महिला क्रिकेट टोलीले आईसीसी महिला टी-२० विश्वकप एसिया छनोटको तेस्रो खेलमा आज बिहीबार कुवेतको सामना गर्दैछ । पहिलो खेलमा हार व्यहोरेको महिला क्रिकेट टोलीले दोस्रो खेलमा भने जित निकालेको थियो । 

दुबईस्थित आईसीसी एकेडेमीको मैदानमा भइहेको प्रतियोगितामा नेपाली  टोली कुवेतविरुद्ध खेल्दैछ । कुवेत भने प्रतियोगितामा पहिलो जितको खोजीमा छ । पहिलो खेलमा भुटानसँग ४० रनले पराजित कुवेत दोस्रो खेलमा मलेसियासँग ८१ रनले पराजित भएको थियो । 

बिहीबार भने एकै समयमा मलेसियाले हङकङसँग खेल्नेछ । प्रतियोगिताको चौथो खेलमा नेपालले शुक्रबार मलेसियाविरुद्ध र पाँचौँ खेलमा आइतबार संयुक्त अरब ईमिरेट्स (यूएई) विरुद्ध खेल्नेछ ।