म्याड्रिड, मंसिर १२ ।  प्रशिक्षक ज्याभीको पनि पहिलो ‘अवे गेम’ मा बार्सिलोनाले शनिबार स्पेनी ला लिगामा भिल्लारियललाई ३–१ ले हराएको छ। यो सँगै बार्सिलोनाले यस सिजन घर बाहिर पहिलो जित निकालेको छ ।

बार्सिलोनाको लागि मेम्फिस डेपे र फिलिप कोउटिन्होले खेलको अन्त्यतिर एक÷एक गोल गर्नु भयो । बार्सिलोनाले फ्रान्क डे जोङको गोलले अग्रता लिएयता स्यामुएल चुक्वाजीले बराबरी गोल फर्काउनु भयो । यस्तोमा डेपेले ८८ औं मिनेटमा गोल गरेपछि कोउटिन्होले इन्ज्युरी समयमा तेस्रो गोल थपे ।

यस सिजन बार्सिलोनाले खेलेका अगाडिका पाँच घर बाहिरको खेलमा जित निकाल्न सकेको थिएन् ।एजेन्सी