पेरिस, मंसिर १३ । फ्रेन्च लिग वान फुटबल अन्तर्गत आइतबार राति भएको खेलमा पछि परेको पेरिस सेन्ट जर्मेन (पिएसजी) ले पुनरागमनसहित शानदार जित दर्ता गरेको छ ।

अवे मैदानमा भएको खेलमा पिएसजीले सेन्ट–एतिएनीलाई ३–१ ले पराजित गरेको हो । २३ औँ मिनेटमा बोएन्गाको गोलबाट सुरुवाति अग्रता लिएको सेन्ट ४५ औँ मिनेटमा कोलोड्जिएक्जाक सीधै रातो कार्ड पाएर मैदानबाट बाहिरिएपछि १० खेलाडीमा सीमित भएको थियो ।

पिएसजीका लागि मार्क्वीनहोसले पहिलो हाफको इन्जुरी समयको दोस्रो तथा दोस्रो हाफको इन्जुरी समयको पहिलो मिनेटमा गोल गर्नु भयो ।  ७९ औं मिनेटमा एन्जल डी मारियाले  गोल गर्नु भयो  । तीनै गोलका लागि लियोनल मेस्सीले सहयोग गर्नुभयो ।

जितपछि शीर्ष स्थानको पिएसजीको १५ खेलबाट ४० अंक भएको छ।

एजेन्सी