काठमाडौं, मंसिर १४ । मंगलबार सुनचाँदी बजारमा छापावाल सुनको मूल्य प्रतितोला एक सय रुपैयाँले घटेर ९१ हजार ९ सय रुपैयाँ कायम भएको छ। पहेँलो सुन अघिल्लो दिन प्रतितोला ९२ हजार रुपैयाँमा कारोबार भएको थियो।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९१ हजार चार सय रुपैयाँ तोकिएको छ यसको मूल्य सोमबार प्रतितोला ९१ हजार पाँच सय  रुपैयाँ थियो।

त्यस्तै मंगलबार चाँदीको मूल्य अघिल्लो कारोबार मूल्यका तुलनामा प्रतितोला १५ ले घटेर एक हजार दुई सय पाँच रुपैयाँ तोकिएको महासङ्घले जनाएको छ। अन्तर्राष्ट्रिय बजारमा आज सुन प्रतिऔँस एक हजार सात सय ९० डलर आसपास कारोबार भइरहेको छ।