मिचिगन, मंसिर १५ । अमेरिकाको मिचिगनस्थित एक विद्यालयमा अन्धाधुन्ध गोली प्रहार हुँदा तीन विद्यार्थीको मृत्यु भएको छ । एक शिक्षक सहित अन्य ८  जना घाइते भएका छन् । घाइतेको स्थानीय अस्पतालमा उपचार भइरहेको छ ।

प्रहरीका अनुसार सोही विद्यालयमा पढने अर्का एक १५ वर्षिय विद्यार्थीले गोली चलाएका थिए । घटना लगत्तै उनले प्रहरी समक्ष आत्मसमर्पण गरेको अन्तराष्ट्रिय सञ्चारमाध्यमहरुले उल्लेख गरेका छन् ।

घटना पछि विद्यालयका कक्षाहरु बन्द गरिएको छ । घटनामा संलग्न संदिग्धले प्रतिक्रिया दिन अस्विकार गरेका छन् । ती विद्यार्थीले सेमी अटोमेटीक ह्याण्ड गनले १५÷२० गोली प्रहार गरेका थिए । घटनाको कारण खुल्न सकेको छैन । घटनालाई लिएर प्रहरीले थप अनुसन्धान गरिरहेको छ ।  एजेन्सी