काठमाडौँ, मंसिर १७। राष्ट्रिय परीक्षा बोर्डले आज कक्षा १२ को परीक्षाको नतिजा सार्वजनिक गरेको छ । आज बिहान बोर्डको बैठक बसेर नतिजा प्रकाशित गरेको हो ।

नतिजा https://neb.ntc.net.np/ मा गएर हेर्न सकिन्छ । त्यस्तै आईभीआर १६०१ मा फोन गरेर पनि नतिजा थाहा पाउन सकिने र त्यस्तै एनईबी लेखेर एक स्पेस दिई सिम्बोल नम्बर लेखेर १६००मा एसएमएस गरेर पनि नतिजा थाहा पाउन सकिन्छ ।

नतिजाअनुसार सात हजार ३६ परीक्षार्थीले ‘ए प्लस’ ल्याएका छन् । ‘ए’ ग्रेड ल्याउने परीक्षार्थीको संख्या ४८ हजार २३९ छ । यस्तै, ७० हजार एक परीक्षार्थीले ‘बी प्लस’ ल्याएका छन् । ‘बी’ ग्रेड ल्याउने परीक्षार्थीको संख्या ९९ हजार ५३७ रहेको बोर्डले जनाएको छ ।

कोभिड–१९ का कारण परीक्षा दिन छुटेकाहरूले गएको बुधबारदेखि परीक्षा दिएका छन् ।  ती परीक्षार्थीको परीक्षाफल १० दिनभित्र प्रकाशित गरिने बोर्डले जनाएको छ ।