म्याड्रिड, मंसिर १९ ।रियल म्याड्रिडले शनिबार स्पेनी ला लिगामा रियल सोसिडाडलाई सजिलै २–० ले पराजित गरेको छ । जितसँगै रियल शीर्ष स्थानमा आठ अंकको अग्रता सहित बसेको छ ।  रियलका लागि भिनिसियस जुनियर र लुका जोभिचले गोल गर्नु भयो । उहाँहरुले खेलको क्रमश ४७ र ५७ औं मिनेटमा गोल गर्नु भयो ।

 बार्सिलोना र एटलेटिको म्याड्रिडले भने हार व्यहोरेको छन् ।  रियल बेटिसले बार्सिलोनालाई १–० र रियल मार्लोकाले एटलेटिकोलाई २–१ ले हराएको हो। रियल बेटिसका लागि जुनामीले ७९ औं मिनेटमा गोल गर्नु भयो ।

लिग तालिकामा रियलको ३९ अंक भएको छ । सेभिया ३१ अंकमा दोस्रोमा छ र उसले भिल्लारियललाई १–० ले हरायो ।  एजेन्सी