लन्डन, मंसिर २० । इङ्ग्लिस प्रिमियर लिग फुटबलमा टोटनह्यामले नर्विच सिटीलाई हराएको छ । आइतबार राति भएको खेलमा टोटनह्यामले  नर्विच सिटीलाई ३–० गोल अन्तरले पराजित गरेको हो ।

१० औं मिनेटमा लुकास मौरले , ६७ औं मिनेटमा , डेभिनसन सान्चेज र ७७ औं मिनेटमा सन हेयुङमिनले टोटनह्यामका लागि गोल गर्नु भयो ।  जितसँगै १४ खेलमा २५ अङ्क जोडेको टोटनह्याम पाँचौँ स्थानमा उक्लिएको छ । नर्विच १० अङ्क जोडेर पुछारमा रहेको छ ।

यस्तै, गएरातिकै अर्को खेलमा एस्टोन भिल्लाले लेस्टर सिटीलाई २–१ गोल अन्तरले हराएको छ भने लिड्स युनाइटेड र ब्रेनफोर्डले २–२ गोलको बराबरी खेलेका छन् ।

जित पछि एस्टोन भिल्ला १९ अङ्कसहित १०औँ स्थानमा उक्लिएको छ भने लेस्टर सिटी ११औँ स्थानमा झरेको छ ।एजेन्सी