लन्डन, मंसिर २१ । इंग्लिस प्रिमियर लिगमा  एभर्टनले आर्सनललाई पराजित गरेको छ । सोमबार राति एभर्टनले घरेलु मैदान गुडिसन पार्कमा आर्सनललाई २–१ गोलले हराएको हो ।

एभर्टनका लागि रिर्चालिसन र डिमारिया ग्रेले क्रमशः ७९ औं र ९२ औं मिनेटमा गोल गर्नु भयो ।  आर्सनलसँगको जितसँगै एभर्टनले  महत्त्वपूर्ण तीन अंक हासिल गरेको छ ।

 जितसँगै १२ औं स्थानमा रहेको एभर्टनले १५ खेलबाट १८ अंक जोडेको छ ।  पराजित आर्सनल २३ अंक जोडेर सातौँ स्थानमा छ ।एजेन्सी