पेरिस, मंसिर २२ । रियल मड्रिड यो सिजन आफ्नो समूहको शीर्ष स्थानमा रहँदै च्याम्पियन्स लिग फुटबलको अन्तिम १६ मा प्रवेश गरेको छ । अन्तिम १६ मा प्रवेश गर्ने क्रममा घरेलु मैदानमा भएको खेलमा समूह डी मा रहेको रियल मड्रिडले  इटालियन क्लब इन्टर मिलानलाई २–० ले पराजित गरेको हो ।

६४ औँ मिनेटमा बारिला सिधै रातो कार्ड पाएर मैदानबाट बाहिरिएपछि इन्टर मिलान १० खेलाडीमा सीमित भएको फाइदा रियलले उठाएको थियो ।

रियल मड्रिडका लागि १७ औँ मिनेटमा टोनी क्रुज र ७९ औँ मिनेटमा एसेन्सिओले गोल गर्नु भयो । विजयी भएको रियल मड्रिडको १५ तथा पराजित इन्टर मिलान १० अंकसहित समूहको दोस्रो स्थानमा रह्यो ।

सोही समूहको अर्को खेलमा शाख्तर डोनेस्क र शरिफ टिरास्पोलले १–१ को बराबरी खेलेका छन् ।एजेन्सी