पेरिस, मंसिर २२ । म्यानचेस्टर सिटी समूह विजेता तथा पेरिस सेन्ट जर्मेन (पिएसजी) उपविजेता बनेर च्याम्पियन्स लिगको अन्तिम १६ मा प्रवेश गरेका छन् ।

अवे मैदानमा भएको खेलमा म्यानचेस्टर सिटी आरबी लेइप्जिगसँग पराजित भए पनि समूहको शीर्ष स्थानमा रह्यो । आरबीले सिटीलाई २–१ ले पराजित गरेको हो । आरबीका लागि २४ औं मिनेटमा डोमोनिक र ७१ औं मिनेटमा आन्द्रे सिल्भा र सिटीका लागि ७६ औं मिनेटमा रियाद माहेर्जले गोल गर्नु भयो ।

यस्तै अर्को खेलमा पिएसजीले क्लब ब्रूगलाई ४–१ ले पराजित गरेको छ । म्यानचेस्टर सिटीको १२ तथा पिएसजीको ११ अंक रहेको छ ।

मंगलबार राति समूह सी अन्तर्गत भएको खेलमा अजाक्सले स्पोर्टिङलाई ४–२ तथा बोरुसिया डर्टमुण्डले बेसिक्टासलाई ५–० पराजित गरेको छ ।एजेन्सी