ब्राजिल, मंसिर २३। ब्राजिलका फुटबल लिजेन्ड पेले पेटको ट्युमरको उपचार जारी राख्न अस्पताल फर्किनु भएको छ ।
८१ वर्षीय पेलेले सेप्टेम्बरमा ट्युमर हटाउन शल्यक्रिया गराउँनु भएको थियो र डाक्टरहरूले केमोथेरापी दिन आवश्यक पर्ने बताएका थिए। साओ पाउलोको अल्बर्ट आइन्स्टाइन अस्पतालले जारी गरेको विज्ञप्तिमा विरामीको अवस्था स्थिर रहेको र छिट्टै डिस्चार्ज हुन सक्ने बताइएको छ । सेप्टेम्बर ३० मा अस्पतालबाट डिस्चार्ज भइसकेपछि पेलेले गत महिना आफूलाई "हरेक दिन राम्रो" भइरहेको महसुस गरिरहेको बताउँनुभएको थियो। चिकित्सकहरूले नियमित स्वास्थ्य परीक्षणका क्रममा ट्युमर पत्ता लगाएका थिए।
तीन पटकको विश्वकप विजेता सन् २०१२ मा हिप रिप्लेसमेन्ट सर्जरी गराएपछि सार्वजनिक रूपमा विरलै देखा पर्ने गर्नुभएको छ। उहाँ प्रोस्टेट र मिर्गौला समस्यासँग पनि लडिरहनु भएको छ। गत वर्ष, पेलेका छोरा एडिन्होले उहाँका बुबा कमजोर स्वास्थ्य र कमजोर गतिशीलताका कारण "एक प्रकारको डिप्रेसन" सँग लडिरहनु भएको छ।
पेलेले २१ वर्षको व्यावसायिक करियरमा १,३६३ खेलमा १,२८१ गोलको विश्व रेकर्ड बनाउनुभएको छ। उहाँले ब्राजिलका लागि ९१ पटक क्याप गर्नुभएको थियो र ७७ अन्तर्राष्ट्रिय स्तरमा गोल गर्नुभएको थियो ।
(रासस/एएनआई)
