काठमाडौँ, मंसिर २४। दुर्गन्धित खुट्टा र जुत्ताहरूले हामीलाई लज्जित र रिस उठाउन सक्छ, यसले हाम्रो व्यक्तित्वलाई असर गर्न सक्छ। यसले हामीलाई अरूबाट अलग गर्न सक्छ। त्यसैले यस्ता दुर्गन्धित जुत्ताहरूबाट छुटकारा पाउनको लागि यि तरिकाहरु अपनाउनुहोस् :      

जुत्ताको गन्धबाट छुटकारा पाउने प्राकृतिक उपाय
नराम्रो गन्ध हटाउन प्रयास गर्नु अघि कारण पहिचान गर्नुहोस् । यदि हाम्रो जुत्ताको इनसोलहरू ओसिलो वा फुटेका छन् भने, तिनीहरूलाई निकालेर सुकाउने गर्नुपर्दछ। अथवा विशेष रूपमा ब्याक्टेरियाको वृद्धिलाई मार्ने नयाँ इन्सोलहरू किन्नुपर्दछ। आफ्नो जुत्तालाई घाममा सुकाउनुपर्दछ, तिनीहरूलाई सुख्खा राख्नाले दुर्गन्ध पैदा गर्ने ब्याक्टेरियाको वृद्धिलाई रोक्छ।

जुत्ता फ्रिज गर्नुहोस्  : तपाईंको दुर्गन्धित जुत्तालाई प्लास्टिकको झोलामा राख्नुहोस् र रातभर फ्रिजमा राख्नुहोस् । दोस्रो दिन तिनीहरूलाई घाममा सुकाउनुहोस्। फ्रिजमा जुत्ता राख्नाले दुर्गन्ध पैदा गर्ने ब्याक्टेरिया नष्ट हुन्छ भन्ने विश्वास गरिन्छ तर कतिपयले यो विधि केही समयका लागि मात्र काम गर्ने अनुमान गर्छन् ।  यो विधि आफैले जाँच गर्न सक्नुहुन्छ र यो कति प्रभावकारी छ पत्ता लगाउन सक्नुहुन्छ।

ताजा सुन्तला, कागती वा मौसमको बोक्रा जुत्तामा राख्नुहोस् :  ताजा सिट्रस बोक्राहरूमा राम्रो गन्ध आउँछ। ताजा सिट्रस बोक्राहरू रातभर आफ्नो जुत्तामा राख्नुहोस् र तिनीहरूलाई प्रयोग गर्नु अघि हटाउनुहोस्। यसो गर्दा जुत्ताको गन्ध पहिलेको भन्दा राम्रो हुन्छ।

ल्वांगको तेल राख्नुहोस् : आफ्नो जुत्तामा केही थोपा ल्वांगको तेल राख्नुहोस्। प्रत्येक जुत्ताको तलामा केही थोपाहरू मात्र राख्दा पर्याप्त हुनेछ। यसले जुत्तामा एन्टिब्याक्टेरियल र डिओडोरेन्ट गुणहरू दिन्छ, जसले गर्दा यसले राम्रो गन्ध दिन्छ।

विभिन्न रसायनको प्रयोग : एन्टी फङ्गल फुट पाउडर वा एन्टि ब्याक्टेरियल स्प्रे प्रयोग गरेर पनि जुत्ताको गन्ध हटाउन सकिन्छ। यी दुबै कुनै पनि मेडिकल स्टोरमा सजिलै पाइन्छ।

बेकिंग सोडाको प्रयोगः बेकिंग सोडा विभिन्न तरिकामा प्रयोग गर्न सकिन्छ जुन एक एन्टी-फंगल पाउडर पनि हो।  बेकिंग सोडा र जिंक अक्साइड बराबर मात्रामा मिलाउनुहोस् र रातभर जुत्ता भित्र लगाउनुहोस्। जिंक अक्साइडमा जीवाणुरोधी र दुर्गन्धनाशक गुणहरू छन्। अर्को दिन जुत्ता लगाउनु अघि, यो पाउडरलाई राम्रोसँग सफा गरेर निकाल्नुहोस् ।

पानी र भिनेगारको प्रयोग : आफ्नो जुत्तामा ५० प्रतिशत पानी र ५० प्रतिशत सेतो भिनेगरको मिश्रण स्प्रे गर्नुहोस्। यो मिश्रणलाई आफ्नो जुत्ताको स्तर र सोलमा स्प्रे गर्नुहोस्, त्यसपछि  ३० मिनेटको लागि हावामा सुक्न दिनुहोस्। यसपछि जुत्तामा बेकिंग सोडा हालेर रातभर छोड्नुहोस्।

दुर्गन्धबाट छुटकारा पाउन जुत्तामा जहिले पनि बेकिंग सोडाले भरिएको मोजाको एक जोडी गाँठो पारेर बाँधेर रातभर राख्नुहोस् । जुत्ता लगाउनु अघि आफ्नो खुट्टा धुनुहोस् र सधैं सफा मोजा लगाउनुहोस्।