काठमाडौं, मंसिर २७ । काठमाडौंको शंखरापुर नगरपालिका–७ महादेबस्थान बस्ने मनिषा केसीको ब्युटीपार्लर र कस्मेटिक पसल करेन्ट सर्ट भई आइतबार साँझ आगलागी भएको छ । उक्त आगालागीबाट करिब पाँच लाख रुपैयाँ बराबरको धनमाल जलेर नष्ट भएको छ ।
         यसैगरी रसुवाको गोसाईकुण्ड गाउँपालिका–३ खाम्जिङ बस्ने पेम्बा ग्याल्बो तामाङको घरमा करेन्ट सर्ट भई आइतबार साँझ आगलागी भएको छ । हाल क्षतिको विवरण खुलेको छैन् । सिरहाको औरही गाउँपालिका–३ बस्ने ४७ वर्षीय प्रमोद कुमार यादवको प्रविन पोल्ट्री फर्ममा  आइतबार राति आगलागी हुँदा करिब छ लाख रुपैयाँ बराबरको विभिन्न धनमाल जलेर नष्ट भएको छ ।
    प्रहरी, दमकल र स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।