काठमाडौं, पुस ३। प्रवासमा रहेर नेपाली संगीतमा आफ्नो भविष्य खोजिरहेका गायक हरि लिम्बु र लोकप्रिय गायिका मेलिना राईको स्वरमा सजिएको ‘दिलको हरन’ बोलको म्युजिक भिडियो सार्वजनिक भएको छ ।

लोकप्रिय संगीतकार शंकर थापा ‘स्माइल’ ले संगीतबद्ध गरेको यस गीतमा बिष्णु पोल्वाङ्छा चाम्लिङ राईको शब्द रहेको छ । उदयराज पौडेलले यस गीतलाई संगीत संयोजन गर्नुभएको हो । नायक  पल शाह र नायिका स्वस्तिमा खड्का बीचको अन्स्क्रिन रोमान्स म्युजिक भिडियो देख्न सकिन्छ ।

नवराज उप्रेतीले छायांकन गर्नुभएको भिडियोलाई सुबोल थापाले कोरियाग्राफी गर्नुभएको हो । दिन्सन शाहले सम्पादन गर्नुभएको भिडियोलाई गम्भीर बिस्टको निर्देशनमा तयार पारिएको हो । ए प्लस नामक युट्युब च्यानल मार्फत भिडियो सार्वजनिक गरिएको हो । निर्माण टिमले भिडियोलाई हेरेर प्रतिक्रिया दिन सबैलाई आग्रह गरेको छ ।

भिडियो लिंक
https://youtu.be/7AVVfi-dyQg