स्पेन, वैशाख २६ । शीर्ष स्थानको एट्लेटिको मड्रिडले स्पेनिस लिग ला लिगामा स्पष्ट दुइ अंकको अग्रता लिएको छ । गएराती भएको खेलमा बार्सीलोना र एट्लेटिकोले गोल रहित बराबरी खेल्दै अंक बाडे ।

बार्साको मैदान नोउ क्याम्पमा भएको खेलमा बार्साले पाहुना टोली विरुद्ध गोलका लागि धेरै संघर्ष गर्यो तर सफल भएन । खेल बार्साका पुर्व स्ट्राइकर लुइस स्वारेस र लियोनल मेसीको बीचको न्यायो भेट संगै सुरु भएको थियो । मेसी, उस्मान डेम्बेले र जेरार्ड पिकेले गोलको अवसर सिर्जना गरेपनि सदुपयोग गर्न सकेन। स्वारेजले पनि बार्साको पोस्टमा आक्रमण गर्नु भएको थियो । तर दुवै तर्फ बाट गोलको खडेरी भने तोडिएन । जारी सिजनको पहिलो भेटमा एट्लेटिकोले बार्सा माथि जीत हात पारेको थियो ।

गत जनवरीमा एट्लेटिको भन्दा १३ अंकले पछि रहेको बार्साले दुरी सांघुरो बनाउनदै आफुलाइ उपाधी होडमा उभ्याएको छ । यो बराबरीको फाइदा अर्को उपाधी दावेदार रियाल मड्रिडलाइ पुग्यो । यदि आज उसले सेभियालाइ पराजित गरे तालिकाको शीर्ष स्थानमा उक्लनेछ । ला लिगा रोमान्चक बन्दै उपाधी होड पनि खुल्ला भएको  छ । एट्लेटिकोको ३५ खेलबाट ७७ अंक छ । दोस्रो स्थानमा उक्लिएको बार्साको ७५ र तेस्रो स्थानमा एक खेल कम खेलेको ७४ अंक छ ।