प्यूर्टो रिको, पुस ८। कोरोना भाइरस संक्रमण देखिएपछि स्थगित भएको 'मिस वर्ल्ड' को फिनाले अब आगामी वर्षको मार्च महिनामा हुने भएको छ।  यसअघि डिसेम्बर १६ मा फिनाले हुने निर्णय भएको थियो। आयोजक संस्था 'मिस वर्ल्ड' ले एक प्रेस विज्ञप्ति निकाल्दै फेसबुकमार्फत फिनालेको नयाँ मितिबारे जानकारी दिएको हो।

भारतीय सुन्दरी मनासा लगायत प्रतियोगितामा सहभागी ३८ प्रतिस्पर्धीमा कोरोना संक्रमण देखिएको पुर्टो रिकोको स्वास्थ्य विभागले जनाएको थियो । मिस वर्ल्ड २०२१ मा नेपालबाट नम्रता श्रेष्ठले भाग लिनुभएको छ । उहाँ फिनाले स्थगित भएपछि सोमबार नेपाल फर्किसक्नुभएको छ । आयोजकका अनुसार संक्रमितमध्ये सातजना आइसोलेसनमा छन् । अन्य प्रतियोगीहरूका लागि आवश्यक सुरक्षा मापदण्ड अपनाइएको छ ।