काठमाडौं, पुष ९। जारी कतार एयरवेज शहीद स्मारक ‘ए’ डिभिजन लिग फुटबलमा आजदेखि छैटौँ चरणको खेल सुरु हुँदैछ। दशरथ रङ्गशालामा भैरहेको खेलमा पहिलो दिन आज दुई खेल हुनेछन् जसअन्तर्गत आज एपीएफ क्लब र न्युरोड टिम एनआरटी खेल्दैछन् । खेल दिउँसो एक बजेदेखि सुरु हुनेछ ।

५ खेलबाट ४ अंक जोडेर तालिकाको ११ औं स्थानमा रहेको एपीएफ रेलिगेशनको भयबाट मुक्त हुने योजनामा छ । खराब प्रर्दशनको मारमा परेको विभागिय टोलीले पाँचौ चरणमा पहिलो जित दर्ता गरेको थियो। छैटौ चरणमा पनि उ आफ्नो अघिल्लो लयलाई कायम राख्ने योजनामा छ ।

समान खेलबाट ६ अंकसहित तालिकाको सातौ स्थानमा रहेको एनआरटीपनि विभागीय टोलीलाई हराउँदै तालिकामा सुधार गर्ने लक्ष्यमा हुनेछ । दोस्रो खेलमा बेलुका पौने पाँच बजे नेपाल पुलिस क्लब र फ्रेन्ड्स क्लब खेल्दैछन् । पुलिस ५ खेलमा ५ अङ्क जोडेर दशौँ स्थानमा छ । लिगमा १४ टोली सहभागी छन् ।