काठमाडौं, पुस १२। त्रिपुरेश्वरस्थित दशरथ रंगशालामा हुने सहिद स्मारक ‘ए’ डिभिजन लिग फुटबलमा  आज सोमबार सातदोबाटो युथ क्लब र जावलाखेल युथ क्लबबीच प्रतिस्पर्धा हुँदैछ ।

सातदोबाटो र जावलाखेलबीचको खेल दिउँसो १ बजे सुरु हुनेछ। सातदोबाटो आज जित निकाल्दै अंक तालिका सुधार गर्न चाहन्छ। सातदोबाटो ५ खेलमा ८ अंक जोडेर पाँचौ स्थानमा रहेको छ । जावलाखेललाई हराएमा सातदोबाटो चौंथो स्थानमा उक्लनेछ । जावलाखेल ५ खेलमा ४ अंक जोडेर १२ औं स्थानमा रहेको छ । लिगमा १४ टोलीले प्रतिस्पर्धा गरिरहेका छन् । पुछारका दुई टोली रेलिगेसनमा पर्नेछ।

आइतबार भएको खेलमा आर्मी र थ्री स्टारले गोलरहित बराबरी खेलेको थियो । दुबै टोलीले पाएको अवसरमा गोल गर्न सकेनन् त्यसैको कारण खेल गोलरहित बराबरीमा सकिएको थियो । यस बराबरीसँगै आर्मीको एएफसी कप छनोट खेल्ने सपना सकिएको छ । एन्फाले सातौं चरणसम्म शीर्ष स्थानमा रहने टिमले एएफसी कप छनोट खेल्ने जनाएको छ ।