काठमाडौं, पुस १२। अमेरिकाको ओहायो राज्यमा बसोबास गर्दै आइरहनुभएका गायक, गीतकार एवम् संगीतकार पुष्प गजमेरको सुमधुर स्वरमा सजिएको वियोगान्त गीत सम्बन्धको म्युजिक भिडियो सार्वजनिक भएको छ ।

प्रेम सम्बन्धमा आउने उतार चढावलाई गीतमा व्यक्त गरिएको छ । गायक गजमेरको सन् २०१७ मा सार्वजनिक एल्बम आवाज भित्र सङ्ग्रहित गीतको भिडियो बजारमा आएको हो । यस गीतलाई सुमित विश्वकर्माले संगीत संयोजन गर्नुभएको हो ।

म्युजिक भिडियोमा नायक आकाश श्रेष्ठ र जेबिका कार्की बीचको अनस्क्रिन प्रेमलाई प्रस्तुत गरिएको छ । शंकल भुजेलले छायांकन गर्नुभएको भिडियोलाई मनोज कार्कीले सम्पादन गर्नुभएको हो । हिमालयन आर्ट्स ल्याङ्ग्वेज एण्ड कल्चरल एकेडेमीको प्रस्तुति रहेको यस भिडियोलाई शिशिर खातीको निर्देशनमा तयार पारिएको हो । शान्ति गजमेर निर्मात्री रहेको यस भिडियोलाई हिमालयन म्युजिक एकेडेमीको आधिकारिक च्यानल मार्फत सार्वजनिक गरिएको हो ।  

भिडियो लिंक
https://youtu.be/EoOJV97DZ4c