बेलायत, वैशाख २७ । वेष्ट ब्रुम  इंग्लीस प्रिमियर लिगबाट घटुवा भएको छ । गएराती भएको महत्वपुणर् खेलमा आर्सनलसँग तीन एक गोलको पराजय ब्येहोर्दै वेष्ट बु्रम च्याम्पियनसिपमा घटुवा भएको हो ।

वेष्ट बु्रम यसै सिजन लिड्स युनाइटेडसँग शिर्ष डिभिजनमा उक्लेको थियो । इमिरेट्स रंगशालामा भएको खेलको २९ औँ मिनेटमा बुकायो शाकाको क्रशमा इमाइल स्मिथ रोले गोल गरि घरेलु टोली आर्सनललाई अग्रता दिलाउनुभएको थियो । त्यसको छ मिनेटमा आर्सनलका लागि निकोलास पेपेले गोल गरि वेष्ट बु्रमलाई झन् कठिन बनाउनु भयो ।

दोस्रो हाफमा वेष्ट ब्रूमले एक गोल फर्काएको थियो । ६७ ओँ मिनेटमा म्याथ्युस परेराको गोलसँगै वेष्ट बु्रमले खेलमा फर्कने कोशिस गरेको थियो । निर्धारित समयको अन्तिम मिनेटमा फ्रिकिक मार्फत सिँधै गोल गर्दै विलियनले आर्सनलको तिन एक गोलको जित सुनिश्चित बनाउनुभयो । यो जित पछि आर्सनलले युरोपेली प्रतियोगिताको छनोटको लागि सम्भावना बलियो बनाएको छ । यता वेष्ट बु्रम पाँचौ पटक प्रिमियर लिगबाट झरेको हो । लिगको तीन खेल बाँकी रहँदा वेष्ट बु्रमको मात्र २६ अंक छ ।