काठमाडौं, पुस २२। संगीतकार टिका दाहालले आफ्नो बिल्कुलै नयाँ सांगीतिक सौगात एकै नजरमाको म्युजिक भिडियो सार्वजनिक गर्नुभएको छ । लामो समयदेखि अस्ट्रेलिया बस्दै आउनुभएका संगीतकार दाहालका यसअघि पनि थुप्रै गीतहरु स्रोता माझ लोकप्रिय रहेकाछन्।

उहाँको नयाँ गीतमा स्वर भोइस अफ नेपालको मञ्चबाट परिचित गायक बिक्की परियारको रहेको छ । प्रेमिल भाव बोकेको गीतमा शब्द बिष्णुबाबु देवकोटाको रहेको छ । राहुल प्रधानको संगीत संयोजन रहेको छ । कालिञ्चोक वरपर छायांकन गरिएको भिडियोमा बिकाश लामिछाने र बिना राउत बीचको अनस्क्रिन प्रेम र रोमान्स प्रस्तुत गरिएको छ ।

बुद्ध थापाले खिचेको भिडियोलाई दिन्सन शाहले सम्पादन गर्नुभएको हो। केशव राज भट्टको निर्देशनमा भिडियो तयार पारिएको हो । संगीतकार दाहालको आधिकारिक च्यानल टिका दाहाल म्युजिक मार्फत भिडियो सार्वजनिक भएको हो ।

भिडियो लिंक
https://youtu.be/JwekWGVrY_8