काठमाडौं, पुस २५। भारतीय चर्चित तथा युवामाझ रुचाइएका गायक इन्डियन आइडल २०२१ विजेता पवनदीप राजन काठमाडौं आउनुहुने भएको छ । काठमाडौंमा प्रस्तुति दिनका लागि चर्चित गायक पवनदीप नेपाल आउनुहुने भएको हो । ३६५ इभेन्ट्स एण्ड मिडियाले म्यानेज गर्ने कार्यक्रममा पवनदिपले दुई स्थानमा आफ्नो प्रस्तुति दिनुहुनेछ ।

डिस्ट्रिक्ट अवार्ड एण्ड रिकग्निसन कमिटी २०-२१ रोटरी इन्टरनेशनल डिस्ट्रिक्ट ३२९२ नेपाल-भुटानले आयोजना गरेको अवार्ड तथा फन्ड रेजिङ्ग कार्यक्रममा चर्चित गायक पवनदीपले काठमाडौंको पाँचतारे होटल हायात रिजेन्सीमा प्रस्तुति दिनुहुने छ ।

साथै यही माघ १ गते रोटरी क्लब अफ पाटन वेस्टले आयोजना गरेको सांस्कृतिक कार्यक्रममा चर्चित गायक पवनदीपलाई ठमेलको लर्ड अफ ड्रिंक्स (एलओडी) मा सुन्न सकिनेछ । पवनदीप राजन इन्डियन आइडल सन् २०२१ सिजन १२ का विजेता हुनुहुन्छ। उक्त कार्यक्रमलाई विभिन्न राष्ट्रिय अन्तराष्ट्रिय ब्राण्ड/कम्पनीले प्रायोजन गरेका छन् ।