काठमाडौं, पुस २६। कतार एयरवेज सहिद स्मारक ‘ए’ डिभिजन लिग फुटबल अन्तर्गत आज सम्पन्न खेलमा नेपाल पुलिस क्बल र ब्रिगेड ब्वाइज क्लब बराबरीमा रोकिएका छन्। त्रिपुरेश्वरस्थित दशरथ रंगशालामा सम्पन्न खेलमा खेलमा पुलिसले ब्रिगेड ब्वाइज क्लबसँग १-१ गोलको बराबरी खेलेको हो ।

खेलको दोस्रो मिनेटमै ब्रिगेड ब्वाइजले अग्रता बनाएको थियो। शिशिर लेखीको प्रहारलाई पुलिसका गोल किपर शत्रुघन चौधरीले राम्ररी होल्ड गर्न सक्नुभएन, काउन्टरमा ब्रिगेडका शिशिर लेखीको प्रहार पुलिसका गोलकिपरले रोकेपछि आएको रिबाउन्ड बल डिफेन्डरले क्लियर गर्न नसकेको अवस्थामा रोशनले गोल गर्नुभयो। खेलको चौथो मिनेटमा नै पुलिसका बुद्ध तामाङले गोल गर्दै खेल बराबरीमा ल्याउनुभयो। दोस्रो हाफमा दुबै टोलीले थप गोल गर्न सकेनन् र खेल बराबरीमा सकियो ।

योसँगै नेपाल पुलिसले ७ अंक जोडेको छ, ब्रिगेडले ८ खेलमा ६ अंक जोडेको छ । ब्रिगेड १२ औं स्थानमा रहेको छ । पुलिस ११ औं स्थानमा रहेको छ । योसँगै लिगका आठौं चरणको खेल सकिएको छ।